2021年1月期權倉

過了漫長的2020年

終於到了2021年

1 月開始活躍一點

不過一月下旬開始

美股動盪不停

都係做下SC 安全D

每星期食下期權金就算了

2020年11月期權倉

11月動作比較少, 就不分開2次POST 了

10月尾及11月頭各接了ZOOM

中間爆升又爆跌

以現價計, 扣埋權金仍然捱價中

就看看會不會回升

(現價410左右就唔會做SC 住, SC 至少做480 或以上, 現價無肉食

若做480 以下, 一爆升就失去了爆升部份

若做500 或以上, 連1美金都沒有, 倒不如等等)

PYPL 12月4被CALL 走了, 做SC 不夠進取, 不過無估到佢突然幾日爆升

買左成個月都唔郁

一升又急升廿蚊

雖然都係賺, 但就賺少了最後急升的部份

以SC 計, 呢幾個月都係FB 最好

之前的股己被CALL 走了大部份

FB 慢慢升, 升下又跌下

每星期執少少, 好多時每星期執1美金

少數怕長計

11月不少股票都急升, 可惜中了ZM 之後就偏向保守, 另外入左TGTX,  IRBT, AMD, AAPL

AMD 和AAPL 升得不錯, TGTX 和IRBT 捱價中

AMD 和AAPL 做SC 無乜肉食

做得低, 怕佢突然升

做得高DD, 錢太少, 又限制住, 倒不如留著慢慢等

動盪巿下, Short QQQ + SP QQQ & 撈低科技股 + covered SC

9 月一開始, 股巿就下跌

暫時, 仲未知係回調定仲會再跌

不過, 過去一星期雖然跌, 但又未去到跌好多

至少, 唔係3月人踩人, 乜都跌

除科技股比較跌得多之外,

收息類無乜起跌

VIX 亦唔見得大升好多

應該, 只是中期回調?? 

唔識估, 亦唔想估, 安安全全平平安安就好

咁既情況下, 少D 動作比較安全, 所以SP 都好小心

9月初清左大部份倉之後

SHORT QQQ, SP 昨天到期的262 QQQ, 

昨天平倉後, SHORT 下星期五QQQ 251

Short QQQ 己SET 止蝕, 萬一QQQ 回升, 就自動平倉

以上做法, 直到下星期五, 有3個可能性

1) QQQ 大跌, 如跌破251, 

A) 我的SHORT QQQ 賺錢

B) SP QQQ 251 會幫我把SHORT QQQ 平倉

C) SP QQQ 權金全袋

B) QQQ 沒有升破止蝕位, 但亦沒有跌破251

A) SHORT QQQ 無乜賺蝕

B) SP QQQ 權金全袋

C) QQQ 升破止蝕位

A) SHORT QQQ 蝕 (帳面大約蝕2%)

B) SP QQQ 權金全袋

雖然SHORT QQQ 蝕, 不過袋左權金, 而且SET 左止蝕位, 蝕都只係有限數

以上3個可能性, 只有股全巿面回升才會蝕有限數, 值博率高

若QQQ 在下星期窄幅上落, 下星期五我又可以做再SP, 把QQQ 的蝕本門再做得更好

而為免股巿只是回調, 而不是大跌

我又在星期四見股巿跌, 入左幾隻科技股

AAPL, FB, FSLY, SE, TSM

買入後, 即時做星期五的SC

結果, 星期五股巿反覆, 無大跌, 亦無大升, 星期五平晒所有SC, 再開下星期SC

AAPL 和FB 表現比較差, 扣埋SC 權金, 仲蝕緊錢...

FSLY, SE & TSM 表現比較好, 昨天中段仲有升少少, 雖然尾段跌返, 但加埋SC 權金都唔錯

下星期個巿係點, 好難估

不過, 如果股巿跌, 咁我既SHORT QQQ 就會賺... 科技股蝕, 但SC 又可以全袋, 蝕極都有限

(如果科技股下星期再大跌, 我會平晒所有科技股倉, 再平晒SC)

如果股升, 咁SHORT QQQ 就蝕, 不過科技股會賺, 己SET QQQ 止蝕, 計埋, 應該都會賺, 如果SC 科技股全部中晒SC 價, 我好樂意出貨, 再做返SP....

唔怕SC 被CALL 後爆升??

總有機會跌返, 同埋, 總有機會買其他股, 賺左先算

如果股巿唔大升又唔大跌, 

咁我就可以把SP 和SC 都淨袋, 再做多一星期既SP & SC

經過今年股升爆升爆跌, 我只想安安全全賺少少就好了....

2020年7月上旬期權倉

7月上旬, 美股有點反覆, 期權開倉比較保守一點

保持一貫賺8-9成就平倉的策略

見好就收

有時, 開倉一兩日權金就下跌一半, 也會先平倉再決定,

盡量不留太多期權, 保持彈性

6月尾SP 114 接了DIS, 

之後每星期做一次SC 118, 終於在7/10 交了貨, 微賺一點

手上本身有的AMD, 做了SC 56, 在7/10 升破57, 本來諗住等SC 出貨就算了, 不過, 我發現把SC 平倉再賣出可以賺多一點, 所以情願饋錢平倉, 再賣出AMD

有人問, 什麼時候會做SC?

首先, 當然要有貨係手, naked short call 非常危險

其次, 係覺得不會大升, 而且SC 目標價要比買入價高, 出貨也不介意

好似DIS 和AMD, 股價平穩, 沒有大升大跌

每星期做一次SC 就當收一點息, 目標價比我買入價高

出貨了也沒有關係, 反正己袋了權金, 也賺了股價升幅

若手上的貨, 覺得會大升, 當然就不好SC, 保留等股價升

好像早一排科技股日日升, 做SC 就失去股價上升的優勢了

SP 平倉策略

SP 平倉策略

以前, 我做SP 或SC 都會放著等到期自動Expired
不過, 後來發覺付一點錢早一點平倉, 再開SP 是可以把效益最大化

假設, 我預留60萬CASH 做期權 (雖然我多數選擇平倉, 不過都要預留金錢接貨)
買了三種不同股票的SP (每隻接貨價約20萬)

7月7日, 我做了SDGR 的SP, 7月17到期, 權金1.95
SP 成交後, 立即選CLOSE POSITION, SET BUY PRICE 0.10
當SDGR上升, 或時間過去, 權金價會越來越低
當達到0.1 時便會自動平倉,
平倉後, maintain margin 便會回落, EX LIQ 回升
我可以再開另一次SP, 賺多一次權金


SP 如何最簡單地平倉?
不論你戶口的倉位如何,
在Profolio 內揀某一項資產,
都可以選揀Close Position,
選擇 Close Position 和揀Buy / Sell 有什麼不同呢?
就是Close Position 會自動幫你入好 Position,
如你本身SP 10手 (每手100 股)
那你選Close Position 時, Position 便會自動填10

不過一樣要選其他項目, 如價位

選擇平倉SP, 通常會選擇權金跌剩10-20%,
點SET 價, 就睇本身SP 剩多少時間, 離目標價錢有多少
通常一開SP, 先SET 權金價10%做平倉價
到價自動平倉

不過,
試過開倉的第二天, 權金己跌了一半, 一天時間收割50% 盈利, 比等到期有利
當然立即改平倉價,
鎖定利潤

近來美股大勇,
好多時星期五做下星期五, 下星期一, 二便可以收割8-9 成利潤
同一天, 可以即時再做同一個星期五, 或再下星期五的SP
通常我只做2星期內的期權, 比較容易控制, 成交量大, 平倉比較容易

因為己預留接貨的CASH
若股巿下跌, 但未穿目標價, 通常會先平倉
若股巿一下急跌己穿目標價, 就要諗諗蝕錢平倉, 還是接貨
接貨的話, 回升機會有多大?
要不要做SC 減低損失?
若對股票沒有信心, 覺得好難升回目標價, 那就情願蝕錢平倉
留返本金來尋找下次機會

2020年6月下旬期權倉

2020年6月下旬期權倉

6月期權倉, 埋單計數的成績不太好
最終只能小小地賺下零用錢
相比起4, 5 月, 今月成績差好多
開SP 的日子和價位都唔算特別好

被6月中大跌中, 蝕住平左唔少SP
雖然有再開SP, 不過只係打返個和
尤其BATS 跌到2900 時平左SP3100,
過幾日己升回3100 以上
其實用3100 接貨都好安全,
但就是信心不足
被3月股巿大跌嚇怕左

美股每一兩星期總有跌既日子
應該是在跌那天開SP
但有時平了SP 便立即再做下星期SP, 因為巿升緊, 權金價不高, 不過下跌風險就大增
好多時第二日美股跌一跌, 權金價高之餘, 風險又低左
呢樣真係要引以為戒

另外, 平日做SP 多, 即做即收權金,
今月有試過做LONG, LP, LC, 不過最終都係倒錢落海 (又多一樣野影響今月收入)
要研究一下

近來, 做SP 時立即SET 了平倉價, 通常收USD 1 以上權金, 就SET 平倉價0.1, 到價自己平倉
有時美股大升, 兩三日就自動平倉, 可以RELEASE 返D EX LIQ 再做下星期
又可以減低接貨風險
好似FB, 6/19 開左SP 225, 上星期中自動平左, 點知星期五就大跌
若沒有先平倉, 肯定要接貨
而星期五大跌時, 又再開今星期的FB
昨天FB 大升, 又自動平了,
但我今天才發現昨晚自動平倉
我會看看今天巿況再決定

期權策略 -- 我如何看後巿 Part 2

 期權策略 -- 我如何看後巿 Part 2

上一篇講了SP & SP
今次到SC & LC

SC Short Call 沽出認購期權, 賭一隻股票不會升穿目標價
做SC, 最緊要係有貨係手
例如我有500 股SPY
買入價為280
我做SC 290 下星期五, 收權金 $1.00

Case 1: SPY 在下星期五前都沒有升穿290, 我的$1 權金就淨袋, 賺了每股$1
Case 2: SPY 在下星期五前升穿290, 如去到295, 那我2個選擇
1) SC 被行使, 用290 賣出, 帳面蝕左$5, 實際係$4 (股價差價$5 - 權金$1)
2) 付錢平倉, 如果真心唔想交貨, 當股價升到289 前就要快快平倉, 不要等升穿290, 甚至等到295 才平倉

因為本身有貨在手, SC 被行使都只係賺少左, 就當本身SET 了290 出貨吧

如果不想出貨, 揀付錢平倉, 可以考慮再做多一星期, 目標價再高一點, 但記得不要等升穿才平倉
唯一要留意, 不要NAKED SHORT CALL, 即沒有貨在手但做SC
萬一股價爆升, 不是高價平SC, 就是被行使後要付高價平倉

SC 風險: 如果有貨係手, 而目標價本身比買入價高, 那風險就是股票被賣出, 賺少左. 但如果本身沒有貨在手, 而你又做SC, 股價爆升, 那損失就唔知點計
萬一揀中一隻倍升股, 平倉費足以令人破產, 小心
SC 回報: 就是權金

LC Long Call, 購入認購期權, 賭一隻股票會升穿目楆價
LC 是可以用少少錢, 博一隻股票大升後可以用平價買入
如 SPY 現價295, LC SPY 310 下個月
假設SPY 最後沒有升穿310, 那我之前付出的權金就沒有了
假設SPY 最終升到320, 我可以選擇
1) 用310 買入SPY, 即時賺了10 差價
2) 到期前平倉, 權金價大約是差價再加時間值
無論你揀1 OR 2, 都係賺錢的, 分別係有貨在手, 還是選揀要錢唔要貨

LC 風險: 權金白花 (但不會有另外的損失, 最大損失只是收不回權金)
LC 回報: 無限 (如果買中股價爆升, 回報就好可觀了)

做LC 就好似買六合彩, 用少少錢博一隻股票大升, 大不了權金白花, 不會入肉
假設你睇中一隻股票, 買入正股和LC 有咩分別呢?
買入正股QQQ, 現價229.66
如果買入100 股, 要美金$22966
升到240, 每股賺10.34, 共賺1034
如果唔升, 或者跌, 咪坐下貨
願唔願意坐貨就睇下買咩股, 如果風險高個D, 就未必想坐貨

買入LC 240 又如何?
現在做LC QQQ 240 19 JUN 20 到期, 權金2.02 (5月22 Last price)
如果, 6月19 前升, 咁權金就會升, 尤其如果超過240, 如升到245
權金既價格就會升到約$7-$9蚊 ( (245-240) + 時間值)  <-- 時間值多少, 就睇離到期日幾遠
呢個時候, 你可以選擇
1) 把LC 平倉, 賺幾蚊算 (當時權金- 付出的2.02 權金)
2) 到時用240 接, 帳面即時賺 (5-2.02)

從以上例子可以睇到
升巿時, 買入正股一定係賺得多D, 不過需要既資金比較多
LC 只需付出少量權金, 不需要先買貨
如果股價真係升, 到時直接平倉, 亦唔需要買貨, 適合資金不多的朋友

跌巿時, 買入正股要坐貨, 承受帳面損失, 或平倉蝕本
買入LC 的話, 最多權金白花了, 不會再有額外損失

期權保倉策略

期權保倉策略

話說, 上星期SP 283接了SPY 後
同一時間做了SC 287 & LP 270, 5月18到期
兩者權金相若
這樣做, 是避免SPY 大跌, 因為接貨後一天, SPY 再跌到279
不過, 即等同同時鎖定了利潤
是對大巿不敢樂觀既做法

策略是這樣的,
SC 287 & LP 270, 5月18到期

CASE 1: 若SPY 到5月18比270 更低, 如265
這時候,
SC 的權金可以淨袋
LP 的權金會升到超過5蚊 (270-265 + 時間值)
SPY 的股價蝕了18 (283-265)
這樣的話, 一來一回, 蝕的錢就變得有限, 因為只要SPY 跌, LP 的權金會跟著升,
鎖定的蝕錢的總金額

CASE 2: 若SPY 到5月18, 在270 和287 之間
SC 的權金淨袋
LP 的權金, 正常變癈紙
SPY 的股價沒有大跌, 也沒有升, 只有帳面有限的升跌

CASE 3: 若SPY 到5月18升穿287, 如現在293
SC 的權金會升, (大約是當時股價 - 287 + 時間值, 現價約8元)
LP 的權金會跌到非常低
SPY 的股價升到293, 帳面升左10, 不過因為有SC 的關係,
如果賣出SC, 要貼8元, 計埋之前權金都唔抵
所以我會由得SC 在287 出貨
只賺了中間差價4元 (287 - 283)

按我這個做法
在跌巿時可以確保不會輸大錢
但升巿時, 就變相賺少左

要不要這樣做,
主要睇對後巿看法

4月尾接過一次284
上星期接過一次283,
似乎暫時SPY 每次上到29X 都會回一回
所以明天若SPY 出了貨 (正常都會出貨架啦)
再開SPY 都要小心一點

若SPY 跌就要先平倉, 再開遠一點, 平一點
雖然SPY 接貨都不是大問題
不過留CASH 做SP 感覺爽快一點

2020年5月上旬期權倉

2020年5月上旬期權倉

本來是一個月一次的期權倉
因為今個月太繁忙,
交易太多
決定半個月就出一次先

5月一開始, 就先平左2張本來5月到期既期權, 係大跌巿前開的
一開波就蝕錢, 所以5月要努力D

今個月開始,
SP 權金只要跌至0.05 ~ 0.10, 就會先平倉, 再開另一張
有時星期四或星期五開下星期五
到下星期一, 二升巿就先平倉, 再開星期五
發覺同一筆錢可以賺2次錢
感覺更爽

另外, 上星期接左SPY 後
做了LP + SC 以防止跌巿
但今日美股大升
SC 今日到期就要交貨了, 賺少左幾蚊美金
太可惜了

密食當三番之-- 美股期權大作戰

密食當三番之-- 美股期權大作戰

雖然二三月時因為遠期SP 蝕左唔少錢
不過唔代表SP 不能賺下零用錢

檢討過失
首先, 遠期SP 一定要先SET 好止蝕
期權金升左20% 要立即止蝕,
不過呢, 我覺得短期內都唔好玩遠期SP 住
因為呢排股價仲係好波動

其次, 遠期SP 真的不能做太多
當巿場波動時, 即使本身夠錢接貨,
但當股價跌時, 只能眼白白睇住權金飛升
不是忍痛斬倉, 就只能慢慢捱到期

痛定思痛
都係玩返短期SP
一個月的港股和英權係呢個咁波動既巿況都嫌長
SPY 逢一三五都有得結算,
比較容易估到升跌

現在通常做即日或隔日期權,
即美股開巿做即日期權, 或星期二做星期三既隔日結算

開巿前先看看PRE MARKET 咩價位
而且要避免開巿後個半小時內做SP,
因為如果當日急升急跌, 通常頭一個半小時係最高或最低, 之後就會回調
當然啦, 如果急跌時做SP 價就會比較好, 所以要睇定D
目標價通常係當日最低價時再低10蚊
即275 做265,
一日跌10蚊機會比較細,
就算接, 跌10蚊後升少少放返出去, OR 再做SC 比較易
咁既巿況, 情願安安全全袋下錢好D

雖然我覺得SPY 遲早會升返上去
不過短期內仍然波動, 我暫時仲未覺得美股會就咁樣牛巿返上去
所以唔想接貨住
如果接左, 也沒什麼, 應該會做返SC 出去
隔一袋返少少錢幫補下都好嘛

19年12月期權倉

19年12月期權倉

12月的期權倉,
收到的權金是破了記錄
不過主因係做多左遠期既期權
以致實收權金多左, 但期金佔接貨成本其實無短期咁好

咁點解要做遠期呢?
其中一個原因係想低位接貨
想一邊收權金, 一邊以相對低價接貨
所以SET 一個我想入貨既行使價
到期時, 如果入到, 我滿意
入唔到, 算吧, 收了權金

而美股因升得太高, 12月開始少做美股期權
不論是SPY, AMZN, DIS, GOOG, V 等等都比我以前做開既價位升好多
若要做期權,
一係SET 高行使價, 但若接貨, 我又覺得價太貴
一係照SET 之前行使價, 但期權金低得可憐
唔值得扣起大舊EXCESS LIQ 去換取低得可憐既權金
不如留返EXCESS LIQ 等啱價入貨

各地期權比較 - 英股期權, 美股期權, 港股期權

各地期權比較 - 英股期權, 美股期權, 港股期權

自從投資走出香港後, 發現呢個世界係好大
投資唔一定要揀港股, 尤其近年政治凌亂經濟

香港人最熟識的, 一定係港股
港股期權, 一個月結算一次
一張期權, 多數是一手一張, 但又有D 唔跟, 所以買賣前, 可以去港交場睇下
https://www.hkex.com.hk/Products/Listed-Derivatives/Single-Stock/Stock-Options?sc_lang=zh-HK
港股期權買賣差價一般, 熱門股易成交, 冷門既會差D
港股期權係美式期權, 即目標價若於到期日前到價, 有機會被提前行駛

美股期權一張100 股
美股本身無話最少買幾多, 亦無話要一手手買, 買一股都可以
美股期權結算好多玩化
有D隔日結算 (如SPY 期權逢一, 三, 五都有)
大部份逢星期五結算, 如DIS, KO, AMZN, GOOG 等等
有部份是一個月結算一次
美股期權買賣差價比較細, 尤其熱門股, 買賣差價只是0.01 ~ 0.02 左右
美股期權係美式期權, 即目標價若於到期日前到價, 有機會被提前行駛

英股期權一張1000 股
每月月中結算
英股期權買賣差價比較大, 而且成交量遠沒有股多
所以我比較少做英股期權
只做一D 真心諗住買貨,
同己有貨在手, 邊坐邊食權金
英股期權係歐式期權, 要到期日到價才可以行駛, 和港股, 美股有點不一樣

做期權, 賺少少權金當補貼下利息收入
要守紀律
做SP 要預錢接貨
做SC 要預貨交出去
千萬不要做NAKED SHORT CALL
因為萬一無貨做SC 而大升, 好難預要幾多錢買貨交出去
或者要比幾多錢買返CALL 回來

19年10月期權倉

19年10月期權倉

10月因為接左AMZN 和DIS, 每星期做SC 等CALL 出去
發現AMZN 做SC 期權金都唔錯
唯一係銀碼大
無乜錢再去入其他貨
最後AMZN 月尾回升, 被CALL 走了

而DIS 還在浮沉中
估計今星期會被CALL 走吧
9, 10 月算是期權高峰期
埋單計算, 收到唔少期權金
做SP, 接左貨, 再CALL 出去,
期權金唔少, 當然前提股價不能跌太低
所以要揀股價比較穩定, 但現價不能太高做SP

像現在11月頭, 大部份美股都升到高位
無乜機會做SP
因為如果想KEEP 返之前既目標價, 期權金好低, 完全唔值得做
如果想KEEP權金, 目標價要SET 高好多
咁股價跌而要接貨既機會就大好多

暫時手上有一堆期權11月中到期
等到期再看看有那一個值得開

期權的概念， long call （lc） ／ short call （sc） 是什麼

期權的概念， long call （lc） ／ short call （sc） 是什麼

上回講完put， 今次講call
call 的中文叫認購期權， 睇個名就知， 即係認購一個股票的權利
買入認購期權， 即buy call ＝ long call ＝ lc
即你買入到期時購入這個股票的權利

假設， 你買入hsbc 10月尾到期， 目標價65 元的認購期權， buy call ＠ 65
付出期權金＄1
如果10月尾到期時hsbc 升到70， 你可以用65 去買， 帳面即時賺了＄5， 扣除期權金， 實賺＄4
但如果10月尾時hsbc 低於65， 期權就立即作癈， 付出的期權就沒有了，即蝕左＄1
什麼時候會用lc？ 睇好一隻股票會爆升， 用少少期權金去賭股票爆升
如果真係爆升， 就可以賺其中差價
如果唔升， 只係蝕已付出的期權金，花費有限

相反， 賣出認購期權， 即sell call ＝ short call ＝ sc
即你賣出到期時購入股票的權利

同一個case， 假設你賣出hsbc 10月尾到期， 目標價65 的認購期權， sell call ＠ 65
收到期權金＄1
如果10月尾到期時hsbc 升到70， 你手上的貨都要用65賣出， 帳面就失去＄5 盈利， 扣去已收的＄1 權金， 實際帳面失去＄4 盈利
但如果10月尾到期時hsbc 低於65， 你的權金就可以袋袋平安
最差的情況， 就是股價大升，受惠唔到， 但其實你係一早lock 左利潤
如果你本來就諗住65 放出， 那你做sc 就是一邊收期權金， 一邊等升
如果股價一路下沉
就會去到一個兩難局面
用買入價做sc， 無肉食
set 低於入手價， 如果到價就要蝕放

最差的情況是什麼？就係你無股票係手， 但做sc
如以上case， 你無貨係手做hsbc sc ＄65， 假如升到70， 你要用70買貨， 再用65賣出
如果升到80？？ 那你要用80去買， 再65賣出
蝕幾多係完全估唔到

所以， 做sc 之前，必定要有貨係手， 到價咪賣出囉， 之後再sp 啫
千萬不要nake sc 呀

19年5月期權倉

19年5月期權倉

繼4月時接了恆基後
在5月的大跌巿中接了939 和 3988
其中，接3988 時己除淨，無得收息
939 就6月除淨，7月收息
5月還有SPY 明天 （6/3）到期
按星期五的價位，應該也會接貨

6月展望
估計都係下跌巿
己接貨的12，939，3988 會做SC 收下期權金
到價的話，收完期權金開心出貨
唔到價咪下月再SC

沒有接到貨的5 和 1398，再做SP
不過己把行使價再SET 低少少

期權的目標係賺下期權金，
本著到價接貨再SC
無貨繼讀SP
必要有預留資金接貨做SP
也一定要有貨先做SC

對股票沒感情，到價出貨，入貨

19年1月期權倉

19年1月期權倉

12月的三個期權, 最終全數作廢. 期權金淨袋

1月2日新開建行 SP $6, 1月尾到期, 期權金有0.094, 也不錯
股巿一直跌,
不知月尾要不要接貨

如果沒接貨, 2 月接住再做
如果接了貨, 2 月會做SC $6.50, 到期照放, 唔到下下月再做

12月期權倉

12月期權倉

開了IB 後,
除了可以買港股, 美股, 美債, 還可以買賣期權
而期權之中, 我一直比較想試SHORT PUT & SHORT CALL
對喜歡儲股票的我, 可以邊收期權金, 邊等入貨好吸引
接左貨, 又可以收住期權金等出貨

SHORT PUT
收益: 期權金
風險: 接貨後股價繼續尋低
對應: 只選風險低藍籌股, 接貨後可以邊等收息, 邊SHORT CALL收期權金

SHORT CALL
收益: 期權金
風險: 出貨後股價爆升, 失去股價爆升能力
對應: SHORT PUT 同價位, 另研究其他股, 不高追

第一次建立期權倉, 攏了一個小烏龍
明明我是想SHORT PUT, 結果做了LONG PUT,
多謝谷友們的提醒,
立即平倉再來一次
終於成功
只是蝕了一點手續費

下月考慮訂關期權數據,
方便即時知期權金價格

煤氣期權金太低, 相對之下,
中國銀行及建行期權金更吸引

1 月策略

3 個期權之中, 中國銀行最有機會要接貨, 若3.3 接貨, 預計SC 3.6, 繼續收期權
若不能入, 會再做SP, 可下試 SP 3.20

建行, 若6.00接貨, 預計SC 6.50, 繼續收期權
若不能入, 會再做SP 6.00

煤氣若可以15 接貨, 可能不會再做期權, 但若不能入貨, 再SP 15 等入貨

暫時維持小小期權倉