期權策略 -- 我如何看後巿 Part 1
做期權, 第一件事要知道自己對後巿既睇法
究竟個巿會升定跌呢?
如果係美股期權, 因為大部份每星期結算 (SPY 逢一三五, REITS 每月)
可以揀一星期後, 兩星期後, 一個月後, 幾個月後, 甚至係一年後
對後巿既睇法, 再加上想做多長時間既期權, 會影響做邊一種期權
而港股呢?
因為港股每月結算, 通常是月尾尾二交易日, 即可以揀即月月尾, 下月.... 一年後等等
英股期權一樣是每月結算, 通常是第三個星期五, 一樣每個月既第三個星期五都可以揀
入返正題先
買賣期權, 本身就是賭某隻股票既去向
SP Short Put <-- 賣出認沽期權, 你做呢個動件, 係賭呢隻股票到期時唔會跌穿目標價位
如SP SPY 5/22 290, 你賭SPY 星期五收巿都唔會穿290, 只要SPY 一直僅企穩290 以上, 權金就淨袋
對反, 如果SPY 5/22 或之前跌穿290, 咁權金價就會急升, 大約是目標價和當時股價既差額, 再多一點點時間值, 如果明天到期, 那時間值只餘少少
你可以選擇唔理佢, 咁呢個期權就會被行使, 你要用290 去接SPY, 不管當時SPY 是289 還是269
或者, 你可以在收巿前任何一刻平倉
咁應該揀被行使, 還是平倉呢??
主要睇你對既股票有無信心, 同埋差價有幾多
(P.S. 提外話, 如果你對隻股票無信心, 唔想接, 當股價下跌至接近目標價, 或下跌至一定距離就應該先平倉, 不要等到越跌越深先平倉, 最好先SET 定一個止蝕位)
好似我上星期SP 被行使了, 我做SPY 283, 當日股價係279-280 左右上落
因為我估SPY 會返上去, 所以決定唔理佢, 由得佢被行使,
而且因為我只做一星期內的期權, 其實對股價既走勢比較睇得緊,
如果唔諗住接貨, 股價一接近, 或跌緊, 就要平即平倉
不要等股價跌穿目標價才平倉,
情願平倉後以再低的目標價做一星期後
(假如對後巿比較樂觀, 如果覺得人仲有急跌, 就唔好亂開倉)
LP Long Put <-- 購入認沽期權, 你做呢個動作, 係代表你對後巿, 或呢隻股悲觀, 覺得佢會係到期日前跌穿目標價
例如, 現在SPY 在高位295, 你覺得SPY 會跌回285
那你就買入 SPY 285 PUT, 即LP
如你手上有SPY, 係295 入, 你覺得自己可以承受的股價跌幅係$10
那你買入LP 285 (要付權金, 你當比保險費咁啦)
CASE 1: SPY 到期前都跌唔過285, 即你既SPY 好安全啦, 咁保險費就白交了
CASE 2: SPY 到期前跌低過285, 假設280 咁計啦
咁你權金會升到 股價差價+ 時間值
如果係今日到期, 權金大約有5.XX
你可以揀
1) 用285 出貨 (因為現價係280, 你用285 賣出即賺左5蚊- 權金, 不過SPY 就賣出左)
2) 係到期前用5.XX 賣出期權, 即平倉 (你戶口既SPY 仲係到, 但套現返5.XX 回來, 即你既SPY 饋少左)
今篇講完PUT
下篇再講CALL
