期權的概念 －－ long put （lp）， short put （sp） 是什麼
期權，英文是 option
期權金， 英文是option premium
而期權之中， 分為put （認沽期權）和call （認購期權）
今次先講put 認沽期權
put （認沽期權）簡單來說， 就是沽出股票的權利
long put ＝ 買入認沽期權， 即你買入到期時沽出股票的權利
因為你買入權利， 所以是要付出期權金
假設你買入10月尾到期， 目標價55元， hsbc 的認沽期權 lp， 期權金1蚊
那你在付出期權金後
到期時若股價跌低於55， 你有權用55元賣出股票
若10月尾到期時hsbc 跌至50元， 你用55元賣出， 即帳面即時賺了5元， 再減去1元期權金， 即總共賺了4元
但若10月尾到期時， hsbc 股價高於55元， 你的lp 就變成癈紙
相反
假設你賣出10月尾到期， 目標價55元， hsbc 的認沽期權sp （short put or sell put）， 期權金袋1元
到期時， 若股價高於55元， 你的期權金就袋袋平安
相反， 若到期時股價跌低於55， 如跌到50元， 你就要用55元去接hsbc， 帳面即時下跌5元， 扣除之前袋的1元權金， 即帳面下跌4元
所以， 期權就是大家在對賭， 賭股票到期時升還是跌， 會升／跌至那一個價位
我的期權倉大部份是sp
即我袋了期權金
代價是假如股價跌於目標價， 我一樣要用目標價入貨
最差的情況， 就是接完貨， 仲繼續跌
最好的情況， 就是股價一直高於目標價， 期權金袋袋平安
有無接過貨？咁當然有
港股這兩個月狂跌， 接完都無乜機會再sc 返出去， 唯有坐下貨， 收下息， 幸好我做sp 的都是藍籌股，唔怕坐
美股接過spy 和ko， 好快sc 就被call 走了， 之後咪又做sp
做sp 最大風險， 係無錢接貨， 如果你用ib， ib 會直接賣掉你手上其他貨去補足錢入貨，所以做sp 前要先計計數
如果接貨後股價跌完不起， 接貨後無位再sc， 焗住坐， 咁就要諗下隻股有無機會上返去， 值唔值得坐， 如果唔值得， day 1 就唔應該做sp， 因為做sp 就要預左接貨
sp 有什麼好？ 假如我想買hsbc， 現價60， 但我想55 蚊入， 正常情況， 我可以set 買入價55， 等佢跌
另一個方法， 我sp hsbc 55， 我一邊收期權金， 一邊等佢跌， 如果到期唔跌， 咪再做， 真係跌到， 我開開心心接貨， 就算之後再跌，我本來就預左55 接，所以再跌都心甘情願
下次再講long call， short call， 即lc， sc
