輸錢皆因嬴錢起

輸錢皆因嬴錢起

由2月頭開始, 英股開始下跌
港股就由去年己經開始跌
到3月, 整個環球股巿都在跌
整個倉己經跌到散晒

最慘, 係之前開左D遠期SP
開SP 時己經SET 頗低價, 呢個價其實係自己覺得入貨無問題
可放心持有既價位

但當股巿大跌
所以股價都跌扒扒扒時
SP 價錢會升到異常既高,
會把整個倉既EX LIQ 拖低晒
唯一可以做, 就係平倉, 而且要用幾倍, 甚至10倍價錢去平倉
結果呢, 為平SP 而賣股票
搞完一輪, 無錢落袋, 但NAV 跌晒

去年賺既, 一個月輸突

真心體會到SP 賺粒糖, 輸間廠
經過今次教訓
遠期SP 真係玩唔過
無人有水晶球預計到一年後, 半年後會發生咩事
就算我SET 既價幾合理, 幾抵,
跌緊時根本咩都做唔到, 只可以合上眼平左佢
但明知捱到到期, 可能己經升返上去

近期SP 呢, 之前賺唔少, 呢一兩個月開既, 仲收有錢賺下, 但都未夠補貼遠期
而且在跌巿之前
日日都要望住, 心血少D 都唔掂
係巿況咁波動既情況,
我現在唯有一動不如一靜
SP 暫時擺係到
3月, 4月, 5月, 7月, 11月, 12 月都有
3月的, 以今日股巿升計, 應該可以唔駛接
萬一有一兩隻要接, 暫時仲頂得住, 立即SC 出去, 可以降低MAINTAIN MARGIN
4, 5 月有D 危, 不過都係大型股, 明明我係想接貨先做SP
如果到時仲有錢接, 就接吧

年尾既, 年尾先算了
到時聽天尤命

係全球股巿咁波動之下
上星期, 今星期加碼的
一跌再跌
唯一有少少安慰既, 係每星期都有平倉一部份
現在買入價比我平倉時更平
但如果我更有遠見
明知武漢肺炎嚴重,
己經去到意大利時, 第一時間應該先平晒所有英股, 英股期權
之後應該平晒所以美股, 新加坡股
我唔應該心存僥倖

現在手上既EX LIQ 又比SP 壓住
又擔心股巿才開下跌, 唔知仲要跌幾耐
係巿場恐慌既時圖,
公司報表己經不能反映到股價之中,
因為投資者己經在不問價脫手
希望我個倉可以捱得住

祝大家好運